పాపన్నపేట (విజయక్రాంతి): ద్విచక్రవాహనం అదుపుతప్పి కిందపడి ఒకరు మృతి చెందిన సంఘటన మండలంలో చోటు చేసుకుంది. ఏఎస్సై సంగన్న కథనం ప్రకారం.. మండల పరిధిలోని కొత్తపల్లి గ్రామానికి చెందిన బైండ్ల జశ్వంత్ (19) కూలీ పనులు చేసుకుంటూ జీవనం సాగిస్తున్నాడు. ఆదివారం రాత్రి సమయంలో ఇదే గ్రామానికి చెందిన స్నేహితుడు ఉమామహేశ్వర్ తో కలిసి ద్విచక్రవాహనంపై పాపన్నపేటకు వెళ్లి తిరిగి వస్తుండగా యూసుఫ్ పేట గ్రామ శివారులో వాహనం అదుపుతప్పి కింద పడ్డారు. దీంతో ఇద్దరికీ తీవ్ర గాయాలయ్యాయి. అటుగా వెళ్లిన స్థానికులు గమనించి 108లో చికిత్స నిమిత్తం మెదక్ జిల్లా ఆసుపత్రికి తరలించారు. ఆస్పత్రికి చేరగానే అర్థరాత్రి సమయంలో జశ్వంత్ మృతి చెందాడు. ఉమామహేశ్వర్ ను మెరుగైన చికిత్స కోసం గాంధీకి తరలించారు. మృతుడి తండ్రి దుర్గయ్య ఫిర్యాదు మేరకు కేసు నమోదు చేసినట్లు ఏఎస్ఐ తెలిపారు.