చిరంజీవి, వశిష్ట కాంబోలో రూపొందుతున్న చిత్రం ‘విశ్వంభర’. ఈ చిత్రం ప్రేక్షకులకు విజువల్ ట్రీట్‌లా ఉండబోతోందని తెలుస్తోంది. ‘విశ్వంభర’ చిత్రం కోసం మెగా ఫ్యాన్స్ ఎంతగానో ఎదురు చూస్తున్నారు. సినిమాపై అంచనాలు కూడా భారీగానే ఉన్నాయి. చాలా కాలం తర్వాత చిరుతో కలిసి త్రిష నటిస్తున్నారు. చిరు చేస్తున్న ఫాంటసీ సినిమా ఇది. కాగా సంక్రాంతికి రావల్సిన ‘విశ్వంభర’.. ‘గేమ్ చేంజర్’ కోసం వాయిదా పడింది.

సమయం దొరికడంతో షూటింగ్‌ను చాలా జాగ్రత్తగా చేస్తూ వస్తున్నారు. నెక్ట్స్ షెడ్యూల్‌ని జపాన్‌లో చిత్ర యూనిట్ ప్లాన్ చేస్తున్నట్టు తెలుస్తోంది. ఈ షూట్‌లోనే హీరోయిన్ త్రిషతో మంచి డ్యుయెట్ ప్లాన్ చేస్తున్నారట. స్టాలిన్ తర్వాత తిరిగి చిరుతో త్రిష నటించడం ఇదే తొలిసారి.

ఈ క్రమంలోనే వీరిద్దరిపై సాంగ్ కూడా చిత్ర యూనిట్ ప్లాన్ చేయడంతో అభిమానులు వీరిద్దరి మధ్య కెమెస్ట్రీ ఇప్పుడెలా ఉంటుందో చూడాలని అనుకుంటున్నారు. మొత్తానికి మరోసారి చిరుతో త్రిష చిందేయబో తున్నారని తెలుస్తోంది.