సూర్య సోదరుడిగా ఇండస్ట్రీలో అడుగు పెట్టినా తనకంటూ ప్రత్యేక గుర్తింపు తెచ్చుకున్న హీరో కార్తి. ఇటీవల ‘సత్యం సుందరం’ చిత్రంతో ఆకట్టుకున్న ఆయన త్వరలోనే మరో సినిమాతో ప్రేక్షకుల ముందుకు వచ్చేందుకు సిద్ధమవుతున్నారు. కార్తీ, నలన్ కుమారస్వామి కాంబోలో రూపొందుతున్న చిత్రం ‘వా వాతియార్’. ఈ చిత్రంలో కృతి శెట్టి కథానాయికగా నటిస్తున్నారు. ఈ చిత్రానికి సంబంధించిన టీజర్ బుధవారం విడుదలైంది. టీజర్‌ను బట్టి చూస్తే కార్తీ పోలీస్ ఆఫీసర్‌గా ఈ చిత్రంలో నటిస్తున్నారు. ఖాకీ, సర్దార్ వంటి చిత్రాల తర్వాత మళ్లీ కార్తీ పోలీసాఫీసర్‌గా కనిపించనుండటంతో అభిమానులు సంతోషం వ్యక్తం చేస్తున్నారు. పాట, యాక్షన్ సన్నివేశాలను టీజర్‌లో చూపిం చారు. యాక్షన్ ఎంటర్‌టైనర్‌గా చిత్రం రూపొందుతున్నట్టు టీజర్ ద్వారా తెలుస్తోంది. స్టూడియో గ్రీన్ పతాకంపై కేఈ జ్ఞానవేల్ రాజా ఈ చిత్రాన్ని నిర్మిస్తున్నారు.