చేగుంట: మెదక్ జిల్లా చేగుంట మండల పరిధిలోని గొల్లపల్లి గ్రామంలో డ్రైవర్ నిర్లక్ష్యంతో తన అమ్మమ్మ అయినటువంటి మొట్టు లక్ష్మి(65) తన ఇంటి నుండి నడుచుకుంటూ వెళ్తుండగా తన పెద్దమ్మ కొడుకు అయినటువంటి మొట్ట జానీ, డ్రైవర్(35) తన ఇంటి వెనక పార్కింగ్ చేసిన ట్రాక్టర్ ను తన పొలం వద్దకు తీసుకొని వెళుతుండగా రోడ్డుపైకి వస్తున్నా, లక్ష్మి చూడకుండా ట్రాక్టర్ ను అతను రివర్స్ లో నడపడం వల్ల తన అమ్మమ్మ లక్ష్మి ట్రాక్టర్ తగిలి కింద పడిపోవడం వల్ల ఆమెకు కుడివైపు తలకు రక్త గాయాలు అయ్యాయి. ఆమె చికిత్స నిమిత్తం ప్రభుత్వ ఆసుపత్రికి తీసుకుని వెళ్తుండగా మార్గమధ్యంలో చనిపోయినట్లు డాక్టర్లు ధ్రువీకరించారు. చేగుంట పోలీసులు సంఘటన స్థలానికి చేరుకొని శవాన్ని పోస్టుమార్టం నిమిత్తం ప్రభుత్వ ఆసుపత్రికి తరలించారు.