రియాద్: టెన్నిస్ మహిళల సింగిల్స్‌లో బెలారస్ స్టార్ అరీనా సబలెంకా నంబర్‌వన్ ర్యాంకులోకి దూసుకొచ్చింది. డబ్ల్యూటీఏ ఫైనల్స్‌లో భాగంగా ప్రస్తుత నంబర్‌వన్ ఇగా స్వియాటెక్ అమెరికా స్టార్ కోకో గాఫ్ చేతిలో ఓటమి చవిచూడడంతో సబలెంకా ఈ ఏడాదిని నంబర్‌వన్ ర్యాంకుతో ముగించనుంది. గతేడాది సబలెంకా ఈ ఫీట్ సాధించినప్పటికీ డబ్ల్యూటీఏ ఫైనల్స్ టైటిల్‌ను స్వియాటెక్ సొంతం చేసుకొని మరోసారి నంబర్‌వన్ ర్యాంకు అందుకుంది.

తాజాగా రియాద్ వేదికగా జరుగుతున్న డబ్ల్యూటీఏ ఫైనల్స్‌లో పర్పుల్ గ్రూప్‌లో ఉన్న సబెలంకా 2 ఆధిక్యంలో ఉంది. ప్రపంచ నంబర్‌వన్ ఇగా స్వియాటెక్ (పోలండ్)కు అమెరికా స్టార్ కోకో గాఫ్ షాకిచ్చింది. మంగళవారం ఆరెంజ్ గ్రూప్‌లో భాగంగా గాఫ్ 6 6 స్వియాటెక్‌ను చిత్తు చేసింది. ఈ ఇద్దరు 13 సార్లు తలపడగా.. స్వియాటెక్‌పై గాఫ్‌కు ఇది రెండో విజయం మాత్రమే. మరో మ్యాచ్‌లో క్రెజికోవా 6 6 జెస్సికా పెగులాపై విజయం సాధించింది. డబ్ల్యూటీఏ ఫైనల్స్ టోర్నీల టాప్ ఆటగాళ్లు మాత్రమే అమీతుమీ తేల్చుకుంటారు.