వచ్చే నెల 3తో ముగియనున్న ప్రస్తుత చైర్మన్ పదవీకాలం

 హైదరాబాద్, నవంబర్ 11(విజయక్రాంతి): తెలంగాణ పబ్లిక్ సర్వీస్ కమిషన్ (టీజీపీఎస్సీ) చైర్మన్ మహేందర్‌రెడ్డి పదవీకాలం వచ్చే నెల 3వ తేదీతో ముగుస్తుండడంతో కొత్త నియామకానికి సోమవారం రాష్ట్రప్రభుత్వం నోటిఫికేషన్ విడుదల చేసింది. అర్హులైన వారి నుంచి దరఖాస్తులు ఆహ్వానిస్తున్నది.

దరఖాస్తులను ఈనెల 20లోపు దరఖాస్తులు  వెబ్‌సైట్‌లో సమర్పించాలని సూచించింది. లేదా నేరుగా టీజీపీఎస్సీ కార్యాలయంలో, లేదా మెయిల్ ద్వారా గానీ దరఖాస్తులు సమర్పించవచ్చని పేర్కొన్నది. స్క్రీనింగ్ కమిటీ ద్వారా ఎంపిక ఉంటుందని వెల్లడించింది.