మారిన విస్తారా ఎయిర్‌లైన్ కోడ్

న్యూఢిల్లీ, నవంబర్ 12: దేశీయ విమానయాన సంస్థ విస్తారా ఎయిర్‌లైన్స్ ప్రయాణం ముగిసిన విషయం తెలిసిందే. ఎయిర్‌ఇండియాలో ఆ కంపెనీ విలీనం పూర్తుంది. దీంతో విమానయాన సర్వీస్ కోడ్ కూడా మారింది. ఇన్ని రోజులు విస్తారా ఎయిర్‌లైన్స్‌కు ‘యూకే’ అనే కోడ్ ఉండేది. కానీ ఇప్పటి నుంచి అది ‘ఏఐ’గా మారనుంది. విస్తారా లాయల్టీ పోగ్రామ్ ‘క్లబ్ విస్తారా’లో మెంబర్లుగా ఉన్నవారు ‘మహారాజ క్లబ్’లో చేరనున్నారు.

గతంలో 49 శాతం షేర్లు ఉన్న సింగపూర్ ఎయిర్‌లైన్స్‌కు ప్రస్తుతం 25.1 శాతం షేర్లున్నాయి. ‘విస్తారా ఎయిర్‌ఇండియాలో భాగమైం ది. విస్తారాను మరింత ఉన్నతంగా తీర్చిదిద్దేందుకు కట్టుబడి ఉన్నాం.’ అని ఎయిర్ ఇండియా మేనేజింగ్ డైరెక్టర్ అండ్ ఎగ్జిక్యూటివ్ ఆఫీసర్ క్యాంప్ బెల్ విల్సన్ అన్నారు.