మహేశ్‌బాబు కలయికలో సినిమా తెరమీదికి ఎప్పుడొస్తుందన్న దానికంటే, అధికారిక ప్రకటన వచ్చేదెప్పుడు అని అంతా ఎదురుచూస్తున్నారు. సూపర్‌స్టార్ కృష్ణ జయంతి నాడు వస్తుందని చూసినా కడకు నిరాశే మిగిలింది. ఈ నేపథ్యంలో ఈ సినిమాకి సంబంధించి తాజా సమాచారమొకటి తెలియవచ్చింది. దర్శకుడు రాజమౌళికి ఎం.ఎం.కీరవాణి ఆస్థాన సంగీత దర్శకులన్న విషయం తెలిసిందే. ఓ జాతీయ మీడియా తో ఇటీవల మాట్లాడిన ఆయన, ఈ సినిమా సంగతులను పంచుకుంటూ “ఇప్పటివరకు సంగీత పనులు ఆరంభించలేదు. ఈ మధ్యనే కథ పూర్తిగా లాక్ అయింది. ప్రస్తుతం టెస్ట్ షూట్ జరుగుతుంది. జూలై లేదా ఆగస్టులో సినిమా సంగీత పనులు మొదలవుతాయని” తెలిపారు. దీనితో ఈ విధంగానైనా ఒక అప్డేట్ తెలిసిందని మురిసిపోతున్నారు మహేశ్ అభిమానులు.