అందాల నిధి అగర్వాల్ ప్రస్తుతం ప్రభాస్ సరసన ‘రాజాసాబ్’, పవన్ కల్యాణ్‌తో కలిసి ‘హరి హర వీరమల్లు’ సినిమాల్లో నటిస్తోంది. ఈ రెండు చిత్రాలూ త్వరలో పాన్ ఇండియా స్థాయిలో ప్రేక్షకుల ముందుకు రాబోతున్నాయి. ఇదిలా ఉండగా ఈ ముద్దుగుమ్మ ఆన్‌లైన్ వేధింపులకు గురయ్యింది.

దీంతో తనను వేధిస్తున్న వ్యక్తిపై సైబర్ క్రైమ్‌లో ఫిర్యాదు చేసింది. సదరు వ్యక్తి తనను చంపేస్తానంటూ సోషల్ మీడియాలో కామెంట్స్ పంపిస్తున్నాడని కంప్లుంట్‌లో నిధి పేర్కొంది. తనకు ఇష్టమైన వారిని కూడా టార్గెట్ చేస్తూ బెదిరింపులకు పాల్పడుతున్నట్టు తెలిపింది. బెదిరింపుల వల్ల తాను మానసికంగా ఒత్తిడికి లోనవుతున్నానని ఫిర్యాదులో కోరింది. ప్రస్తుతం సైబర్ క్రైమ్ పోలీసులు నిధి అగర్వాల్ కంప్లుంట్‌పై విచారణ చేపట్టారు.