హైదరాబాద్: తెలంగాణలో ఇటీవల జరిగిన ఉపాధ్యాయ, గ్రాడ్యుయేట్ నియోజకవర్గాల నుండి కొత్తగా ఎన్నికైన ఎమ్మెల్సీలు(Newly Elected MLCs) సోమవారం నాడు శాసనమండలిలో ప్రమాణ స్వీకారం చేశారు. బీజేపీ (Bharatiya Janata Party) తరపున మల్క కొమురయ్య, అంజి రెడ్డి ఎమ్మెల్సీలుగా ప్రమాణ స్వీకారం చేశారు. మండలి చైర్మన్ గుత్తా సుఖేందర్ రెడ్డి కొత్త ఎమ్మెల్సీలతో  ప్రమాణ స్వీకారం చేశారు. కేంద్ర మంత్రి కిషన్ రెడ్డి, ఎంపీలు కె. లక్ష్మణ్, ఎం. రఘునందన్ రావు సహా ప్రముఖ బీజేపీ నాయకులు ఈ కార్యక్రమానికి హాజరయ్యారు.

కాంగ్రెస్ పార్టీ నుండి నలుగురు నాయకులు, విజయశాంతి, అద్దంకి దయాకర్, శంకర్ నాయక్, నెల్లికంటి సత్యనారాయణ ఎమ్మెల్యే కోటా కింద ఏకగ్రీవంగా ఎన్నికయ్యారు. చైర్మన్ గుత్తా సుఖేందర్ రెడ్డి సమక్షంలో ప్రమాణ స్వీకారం చేశారు. కాంగ్రెస్ సీనియర్ మంత్రులు శ్రీధర్ బాబు, ఉత్తమ్ కుమార్ రెడ్డిలు ప్రమాణ స్వీకార కార్యక్రమానికి హాజరయ్యారు. నల్గొండ-ఖమ్మం-వరంగల్ ఉపాధ్యాయ నియోజకవర్గం నుంచి ఎమ్మెల్సీగా ఎన్నికైన పీఆర్‌టీయూ (ప్రగతిశీల గుర్తింపు పొందిన ఉపాధ్యాయ సంఘం) అభ్యర్థి శ్రీపాల్ రెడ్డి కూడా అదే కార్యక్రమంలో ప్రమాణ స్వీకారం చేశారు.