ఎమ్మెల్సీ డాక్టర్ యాదవరెడ్డి

గజ్వేల్, నవంబర్ 24: స్వాతంత్రోద్యమంలో నేతాజీ సుభాష్ చంద్రబోస్ కీలక భూమిక పోషించారని, స్వాతంత్య్ర సమరయోధులను స్మరించుకొని వారు చూపిన బాటలో నడవాల్సిన అవసరముందని ఎమ్మెల్సీ డాక్టర్ యాదవరెడ్డి పేర్కొన్నారు. ఆదివారం గజ్వేల్‌లో దాతల సహకారంతో ఏర్పాటు చేసిన నేతాజీ సుభాష్ చంద్రబోస్ విగ్రహాన్ని ఆవిష్కరించడంతో పాటు లాల్ బహదుర్‌శాస్త్రి విగ్రహ ఏర్పాటుకు భూమిపూజ చేశారు.

ఈ సందర్భంగా ఎమ్మెల్సీ యాదవరెడ్డి మాట్లాడుతూ.. సుభాష్ చంద్రబోస్ దేశభక్తికి ప్రతిరూపమని కొనియా డారు. దేశాన్ని ప్రేమించి, గౌరవించే యువత భవిష్యత్తులో ఎంతో ఉన్నతంగా ఎదుగుతారన్నారు. కార్యక్రమంలో మున్సిపల్ చైర్మన్ ఎన్‌సీ రాజమౌళి, ఏఎంసీ వైస్ చైర్మన్ సర్దార్‌ఖాన్, ఎఫ్‌డీసీ మాజీ చైర్మన్ వంటేరు ప్రతాప్‌రెడ్డి, మున్సిపల్ మాజీ చైర్మన్ గాడిపల్లి భాస్కర్, మిన్నకంటి ప్రసాద్, కౌన్సిలర్లు, మాజీ కౌన్సిలర్లు, వివిధ పార్టీల, యువజన సంఘాల నాయకులు, హైందవ సోదరుల బృందం సభ్యులు పాల్గొన్నారు.