ఓ వృద్ధుడిని అదుపులోకి తీసుకున్న పోలీసులు 

వీహెచ్పీ, బజరంగ్ దళ్ ఆధ్వర్యంలో ఆందోళన  

రాజేంద్రనగర్, విజయక్రాంతి: శంషాబాద్ పట్టణంలోని ఎయిర్పోర్ట్ కాలనీలో ఉన్న హనుమాన్ టెంపుల్ లో నవగ్రహ విగ్రహాలను ధ్వంసం చేశారు. ఈ సంఘటన మంగళవారం తెల్లవారుజామున చోటుచేసుకుంది. ఆర్ జి ఐ ఏ పోలీసులు తెలిపిన వివరాల ప్రకారం.. నవగ్రహ విగ్రహాలను అర్ధరాత్రి రెండు గంటలకు ఓ వ్యక్తి చూడగా బాగానే ఉన్నాయి అనంతరం నాలుగు గంటల సమయంలో హనుమాన్ టెంపుల్ పూజారితో పాటు మరో వ్యక్తి చూడగా ధ్వంసమయి కనిపించాయి. సమీపంలో ఓ వృద్ధుడు తచ్చాడుతూ కనిపించాడు. సమాచారం అందుకున్న హాజీ అయ్యే పోలీసులు వెంటనే ఘటనా స్థలానికి చేరుకొని వివరాలు సేకరించారు. ఓ రుద్దుడు కొన్ని రోజులుగా ఆలయ సమీపంలోనే తిరుగుతున్నాడని స్థానికులు పోలీసులకు తెలియజేశారు దీంతో అతడిని అదుపులోకి తీసుకొని విచారణ జరుపుతున్నారు.

బజరంగ్ దళ్ ఆధ్వర్యంలో ఆందోళన 

హనుమాన్ ఆలయంలో నవగ్రహ విగ్రహాలను ధ్వంసం చేసిన విషయం తెలుసుకున్న బిజెపి బజరంగ్దళ్ విహెచ్పి నాయకులు ఘటన స్థలానికి భారీగా చేరుకొని ఆందోళనకు దిగారు. వరుసగా ఘటనలు జరుగుతున్న ప్రభుత్వం ఏమాత్రం పట్టించుకోవడం లేదని తీవ్రస్థాయిలో ఆగ్రహం వ్యక్తం చేశారు. పోలీసులు వెంటనే నిందితుని అరెస్టు చేయాలని డిమాండ్ చేశారు. నాయకులు భారీగా చేరుకొని ఆందోళనకు దిగడంతో ఉద్రిక్త వాతావరణం చోటుచేసుకుంది.