ఇదేం పాపమని.. వినియోగదారుల ఆవేదన

తుంగతుర్తి, (విజయ క్రాంతి): మండల కేంద్రంతో పాటు ఆయా గ్రామాలలో 78 వ స్వాతంత్ర దినోత్సవ వేడుకలు అంగరంగ వైభవంగా జరిగాయి. వాడ వాడల, ప్రభుత్వ,ప్రైవేటు విద్యా ప్రభుత్వ కార్యాలయాల వద్ద త్రివర్ణ పతాకాలు రెపరెపలాడాయి. స్వాతంత్య్ర దినోత్సవ వేడుకలు కన్నుల పండువగా జరుపుకున్నారు. ఇంతవరకు బాగానే ఉంది కానీ , తుంగతుర్తి మండల కేంద్రంలోని కెనరా బ్యాంకు లో స్వాతంత్ర దినోత్సవ రోజున జాతీయ జెండా ఎగరలేదు. 78వ స్వాతంత్ర దినోత్సవ వేడుకలకు బ్యాంకు సిబ్బంది హాజరుకాకపోవడమే కాకుండా జాతీయ జెండాను అవమానపరిచారు. స్వాతంత్ర దినోత్సవం నాడే జాతీయ జెండాను అవమానపరిచారని స్థానికలు ఆగ్రహం వ్యక్తం చేస్తున్నారు. సంబంధిత బ్యాంకు మేనేజర్ ను వివరణ కోరగా మేము ఇప్పటివరకు కెనరా బ్యాంకులో జాతీయ జెండా ఎగరవేయలేదని, మాకు ఈ రోజు పాఠశాలలో స్కాలర్షిప్ ల చెక్కుల పంపిణీ ఉండడంతో జెండా ఎగరవేయలేదని, 26 జనవరి కి జెండావిష్కరణ చేద్దామని నిర్లక్ష్య ధోరణితో సమాధానం చెప్పడం గమన్హరం.