బోర్డర్- గావస్కర్ ట్రోఫీలో భాగంగా పెర్త్ వేదికగా జరుగుతున్న తొలి టెస్టు మ్యాచులో టీమిండియా కెప్టెన్ వికెట్ల వేట మొదలు పెట్టాడు. ఆస్ట్రేలియా ఓపెనర్ నాథన్ మెక్‌స్వీనీ(10)ని బుమ్రా ఎల్‌బీడబ్ల్యూ చేశాడు. ముందు అంపైర్ నాటౌట్ ఇవ్వడంతో భారత్ డీఆర్ఎస్ తీసుకుంది. సమీక్షలో ఔట్ అని తేలడంతో టీమిండియా ఆటగాళ్లు సంబరాలు చేసుకున్నారు. అనంతరం క్రీజులోకి వచ్చిన లుబుషేన్ ను ఔట్ చేసే అవకాశం మిస్ అయింది. బుమ్రా వేసిన బంతిని ఆడబోయిన లుబుషేన్ స్లిప్ లో విరాట్ కు క్యాచ్ ఇచ్చాడు. పట్టుకున్నట్లు అనిపించినా చివరి క్షణంలో విరాట్ క్యాచ్ చేజార్చాడు దీంతో అందరూ ఒక్కసారిగా నిరాశకు గురయ్యారు. ప్రస్తుతం ఆస్ట్రేలియా 5.4 ఓవర్లలో ఒక వికెట్ నష్టానికి 18 పరుగులు చేసింది.