వికారాబాద్, నవంబర్ 14 (విజయక్రాంతి): లగచర్ల దాడుల కేసులో ఏ1 నిందితుడిగా అరెస్టున మాజీ ఎమ్మెల్యే పట్నం నరేందర్‌రెడ్డి తరఫు బీఆర్‌ఎస్ లీగల్ సెల్ బెయిల్ పిటిషన్ దాఖలు చేసింది. గురువారం పిటిషన్‌ను పరిశీలించిన వికారాబాద్ జిల్లా న్యాయస్థానం విచారణను ఈ నెల 18కి వాయిదా వేసింది.

అనంతరం కోర్టు బయట బీఆర్‌ఎస్ లీగల్ సెల్ న్యాయవాది శుభప్రద్ పటేల్ మాట్లాడుతూ.. ప్రస్తుతం నరేందర్‌రెడ్డి బెయిల్‌కు పిటిషన్ దాఖలు చేశామని, మున్ముందు ఈ కేసులో అరెస్టున రైతులకూ న్యాయ సాయం అందిస్తామని, వారి కోసం కూడా బెయిల్ పిటిషన్లు దాఖలు చేస్తామని ప్రకటించారు.