ఈ నెల 15 నుంచి 17 వరకు నిర్వహణ 

హైదరాబాద్, సిటీబ్యూరో ప్రధాన ప్రతినిధి, మే 11 (విజయక్రాంతి): ఢిల్లీలో నేషనల్ రియల్ ఎస్టేట్ డవలప్‌మెంట్ కౌన్సిల్ (నరెడ్కో) మేనేజ్ మెంట్ డవలప్‌మెంట్ పోగ్రాంను నిర్వహించనుంది. ఈ నెల 15వ తేదీ నుంచి 17వ తేదీ వరకు సుమారు మూడు రోజుల పాటు ఈ కార్యక్రమం జరుగుతుంది. నేషనల్ ఇనిస్ట్యూట్ ఆఫ్ రియల్ ఎస్టేట్ డెవలప్‌మెంట్ బ్యానర్‌పై రెరా, రియల్ ఎస్టేట్ ఫైనాన్షియల్స్ పేరుతో ఢిల్లీలోని పీహెచ్‌డీ హౌస్‌లో దీన్ని నిర్వహిస్తారు.

సమగ్ర శిక్షణ, వర్కషాప్‌లు, కెపాసిటీ బిల్డింగ్ కార్యక్రమాల ద్వారా రియల్ ఎస్టేట్ నిర్మాణం, మౌలిక సదుపాయాల రంగాలను మరింత శక్తిమంతంగా మార్చాలనే లక్ష్యంతో ఈ కార్యక్రమాన్ని నిర్వహిస్తున్నట్లు నరెడ్కో ప్రతినిధులు తెలిపారు. రియల్ రంగానికి సంబంధించిన అనేక అంశాలపై ఈ మూడు రోజుల పాటు జరిగే కార్యక్రమంలో ప్రధానంగా చర్చిస్తారని, ప్రస్తుత పోటీ వాతావరణంలో రియల్ పరిశ్రమ స్థిరమైన వృద్ధిని సాదించాలనే లక్ష్యం తో ఈ మేనేజ్‌మెంట్ ప్రోగ్రాంను నిర్వహిస్తున్నామని నరెడ్కో జాతీయ అధ్యక్షులు హరిబాబు తెలిపారు.