ప్రస్తుతం వరుస సినిమాలతో విజయపథంలో దూసుకుపోతున్నాడు హీరో నాని. ‘దసరా’, ‘హాయ్ నాన్న’, ‘సరిపోదా శనివారం’ వంటి సినిమాలతో వరుస బ్లాక్ బస్టర్ విజయాలను అందుకున్నాడు. శ్రీకాంత్ ఓదెల దర్శకత్వంలో వచ్చిన ‘దసరా’ చిత్రం నానికి ఎంతటి ఎనర్జీ ఇచ్చిందో ప్రత్యేకంగా చెప్పాల్సిన పనిలేదు. ఆ సినిమా సక్సెస్ తర్వాత వీరిద్దరి కాంబినేషన్‌లో మరో సినిమా వస్తుందన్న విషయం తెలిసిందే.

ఇప్పటివరకు ‘నాని అనే వర్కింగ్ టైటిల్‌తో ప్రచారంలో ఉందీ చిత్రం. తాజాగా వీరిద్దరి కాంబోలో వస్తున్న ఈ సినిమా టైటిల్‌కు సంబంధించి ఓ పోస్టర్ విడుదలైంది. ‘ది ప్యారడైజ్’ అనే టైటిల్‌తో నాని, శ్రీకాంత్ సినిమా తెరకెక్కబోతోంది. ఇదే విషయాన్ని తెలియజేస్తూ నాని తన సోషల్ మీడియా వేదికగా ఈ పోస్టర్ విడుదల చేశారు.

భారీ కమర్షియల్ హిట్‌ను కొట్టాలన్న ఉద్దేశంతో ఈ సినిమాకు ఇలాంటి స్ట్రాంగ్ టైటిల్ పెట్టినట్టు తెలుస్తోంది. ఇక ఈ పోస్టర్‌ను గమనిస్తే.. టైటిల్ అక్షరాల్లో కింద ఎక్కువ మొత్తంలో గన్స్ కనిపిస్తున్నాయి. టైటిల్ సైతం ఎరుపు రంగులో ఉంది. ఇదంతా చూస్తుంటే నాని కోసం శ్రీకాంత్ ఓదెల పెద్ద ప్లాన్ ఏ వేసినట్టు అర్థమవుతోంది.