నయన్ సారిక.. మహారాష్ట్రకు చెందిన నయా అందం! ఆనంద్ దేవరకొండతో ‘గం గం గణేశా’లో జత కట్టి తెలుగు చిత్రసీమలో అడుగుపెట్టిందీ సోలాపూర్ సొగసరి. తాజాగా ఆమె నటించిన ‘ఆయ్’ చిత్రం ప్రేక్షకాదరణ పొందుతున్న ఆనందంలో మీడియా ముందుకొచ్చిన నయన్ పలు ఆసక్తికర విషయాలు పంచుకుంది. “శ్రీదేవి, మాధురీ దీక్షిత్ సినిమాలు చూశాను. వారి నటన నాకు స్ఫూర్తి. నటనకు ప్రాధాన్యమున్న పాత్రలంటే ఇష్టం. గ్లామర్‌తో పాటు లేడీ ఓరియెంటెడ్ క్యారెక్టర్స్ చేయాలనుంది. ‘ఆయ్’ షూటింగ్‌లో పాల్గొన్నప్పుడు ఆత్రేయపురం పూతరేకులు రుచి చూశా. ఈ చిత్రంలో ఎన్టీఆర్ బావమరిది నితిన్‌తో కలిసి నటించడం బాగా అనిపించింది. ఎన్టీఆర్‌తో నటించాలనేది నా డ్రీమ్‌” అని చెప్పిందీ మరాఠీ మగువ.

ఇదిలా ఉండగా, కిరణ్ అబ్బవరం హీరోగా నటిస్తున్న ‘క’ సినిమా ద్వారా సత్యభామగా త్వరలో తెర మీద సందడి చేయనుంది. ఈ విషయాన్ని వెల్లడిస్తూ మేకర్స్ ఆదివారం ఆమె క్యారెక్టర్ ఫస్ట్‌లుక్‌ను రిలీజ్ చేశారు. ఈ పోస్టర్‌లో సారిక తెలుగు సంప్రదాయ లంగావోణిలో అందంగా కనిపిస్తోంది. ‘క’ చిత్రం కథలో ఈ అమ్మడి పాత్రకు మంచి ప్రాధాన్యత ఉండనుంది. ఈ సినిమాలోని ఫస్ట్ సింగిల్ ‘వరల్డ్ ఆఫ్ వాసుదేవ్..’ను సోమవారం విడుదల చేయనున్నారు.