• మ్యూజిక్ డైరెక్టర్ కోటి 
  

టీ ఎస్ సతీష్ కు యూకే హై రేంజ్ బుక్ ఆఫ్ వరల్ రికార్డు ప్రదానం

రాజేంద్రనగర్, జనవరి 30 : సంగీతం తన పూర్వజన్మ సుకృత ఫలం అని ప్రముఖ మ్యూజిక్ డైరెక్టర్ కోటి అన్నారు. తనకు ఎన్నో గొప్ప సినిమాలకు మ్యూజిక్ డైరెక్టర్ గా అవకాశం వచ్చిందని పేర్కొన్నారు. గురువారం గండిపేట లోని తన నివాసంలో ఆయన ప్రముఖ ప్రవచనకర్త, తన గురువు దైవజ్ఞ శర్మ తో కలిసి యూకే హై రేంజ్ బుక్ ఆఫ్ వరల్ రికార్డ్ పియానోయిస్ట్ అవార్డు ను టీఎస్ సతీష్ అనే యువకుడికిప్రదానం చేశారు.

ఈ సందర్భంగా కోటి మాట్లా డుతూ.. మంచిమంచి సినిమాల్లో తనకు మ్యూజిక్ డైరెక్టర్ గా అవకాశం రావడం తన పూర్వజన్మ సుకృత ఫలంగా భావిస్తున్నట్లు తెలియజేశారు. పియానో వాయించం అంత సులువు అయిన విషయం కాదన్నారు. తన తండ్రి పియానో అద్భుతంగా వాయిం చేవారని, తనకు కూడా అలాంటి అదృష్టం రావడం సంతోషంగా ఉందన్నారు. ప్రతి పాటను తాను చిత్తశుద్ధితో కంపోజ్ చేస్తున్నట్లు వివరించారు.

తన తండ్రి వాయించిన పియానోకు 100 ఏళ్ళు దాటిందన్నారు. తన సోదరుడు కూడా దానిని వాయించే వారని వివరించారు. అనంతరం టీఎస్ సతీష్ పియానో అద్భుతంగా ప్లే చేశారు. అనంతరం దైవజ్ఞ శర్మ మాట్లాడుతూ.. వాయిద్యం అనేది గొప్ప కల అన్నారు. సంగీతం పట్ల అభిరుచి ఉండడం గొప్ప విషయం అన్నారు. టీఎస్ సతీష్ జీవితంలో మరెన్నో ఉన్నత శిఖరాలకు ఎదగాలని ఈ సందర్భంగా ఆయన ఆకాంక్షించారు. మరింత పట్టుదలతో పియానో సాధన చేయాలని సూచించారు.