• ముగ్గురు పిల్లల్ని ఊపిరాడకుండా చేసి చంపిన తల్లి 
• సంగారెడ్డి జిల్లా అమీన్‌పూర్‌లో ఘటన
• పోలీసుల అదుపులో  ప్రియుడు, వివాహిత

సంగారెడ్డి, ఏప్రిల్ 2 (విజయక్రాంతి): వివాహేతర సంబంధానికి అడ్డుగా ఉన్నారని తన ముగ్గురు పిల్లల్ని ఊపిరాడకుండ చేసి చంపేసిందో తల్లి. ఈ ఘటన సంగారెడ్డి జిల్లా అమీన్‌పూర్‌లో చోటుచేసుకుంది. బుధవా రం సంగారెడ్డి ఎస్పీ పంతోష్ పంకజ్ వివరాలు వెల్లడించారు.

రంగారెడ్డి జిల్లా తల కొండపల్లి మండలం మెదక్ పల్లి గ్రామానికి చెందిన చెన్నయ్య, రజిత అలియాస్ లావణ్య దంపతులు. ప్రస్తుతం అమీన్‌పూర్ పరిధిలోని బీరంగూడ రాఘవేంద్ర కాలనీలో నివాసముంటున్నారు. వీరికి సాయికృష్ణ (12), మధుప్రియ(10), గౌతమ్ (8) ముగ్గు రు సంతానం. చెన్నయ్య వాటర్ ట్యాంకర్ డ్రైవర్‌గా పని చేస్తుండగా.. రజిత ప్రైవేట్ స్కూల్‌లో టీచర్‌గా పని చేస్తున్నది.

గత ఆరు నెలల క్రితం రజిత తన పదో తరగతి స్నేహితులు పూర్వ విద్యార్థుల సమ్మేళనంలో కలు సుకున్నారు. అప్పటి నుంచి తన పదో తరగతి మిత్రుడు నల్గొండ జిల్లా గోడుకొండ్లకు చెందిన శివ(30)తో రజితకు స్నేహం మరింతగా పెరిగి, వివాహేతర సంబంధానికి దారి తీసింది. శివకు ఇంకా పెళ్లి కాలేదు. ప్రైవేటు ఉద్యోగం చేస్తున్నాడు. కాగా రజితకు, చెన్నయ్యకు మధ్య 20 ఏళ్ల వత్యాసం ఉండటం తో మొదటి నుంచీ రజితకు చెన్నయ్య అంటే ఇష్టం ఉండేది కాదు.

ఇద్దరూ తరచూ గొడవ పడేవారు. శివను పెళ్లి చేసుకుంటే ఆనందం గా ఉండవచ్చని రజిత భావించింది. తనను పెళ్లి చేసుకోవాలని శివను అడగగా పిల్లలు లేకుండా ఒంటరిగా వస్తే పెళ్లి చేసుకుంటాన ని శివ చెప్పాడు. దీంతో పిల్లల అడ్డు తొలగించుకోవాలని రజిత నిర్ణయించుకుంది. మార్చి 27న రాత్రి తన భర్త భోజనం చేసి 10 గంటలకు ట్యాంకర్ తీసుకుని చందానగర్ వెళ్లాడు.

అదే అదునుగా భావించిన రజి త.. మొదట పెద్ద కొడుకు సాయికృష్ణను, ఆ తర్వాత కూతురు మధుప్రియను, అటు త ర్వాత చిన్న కొడుకు గౌతమ్‌ను ముక్కు, మూతిపై టవల్ వేసి చేతితో గట్టిగా అధిమి పట్టుకొని ఊపిరాడకుండా చేసి చంపింది. కుట్ర పన్ని పిల్లల్ని చంపిన రజితను, ప్రోత్సహించిన శివను అదుపులోకి తీసుకున్నట్టు ఎస్పీ తెలిపారు.