ఇల్లెందు (విజయక్రాంతి): భద్రాద్రి కొత్తగూడెం జిల్లా ఇల్లందు ఏరియాలోని జె.కె-5 ఉపరితల గని నందు మల్టీ డిపార్ట్మెంటల్ సమావేశం అనే కార్యక్రమాన్ని బుధవారం నిర్వహించారు. ఈ కార్యక్రమానికి ముఖ్య అతిథిగా ఏరియా జనరల్ మేనేజర్ జియం వీసం కృష్ణయ్య హాజరైనారు. ఈ సందర్భంగా మాట్లాడుతూ.. ఇల్లందు ఏరియాలోని ఉద్యోగులందరికీ సింగరేణి సంస్థ యొక్క ఉత్పత్తి, ఉత్పాదకత, సింగరేణిలో వాడుకలో ఉన్న మిషనరీ యొక్క పనితీరు, ఉత్పత్తి వ్యయం, ఇల్లందు ఏరియాలో కంపెనీ భవిష్యత్తు, ప్రణాళికలు, కార్మికులకు సంస్థ అందించిన సంక్షేమ కార్యక్రమాలు, వచ్చే ఆర్థిక సంవత్సరంలో కంపెనీ ఉత్పత్తి లక్ష్యాలను సాధించడానికి కార్యచరణ ప్రణాళిక రూపొందించడంపై మల్టీ డిపార్ట్మెంటల్ సమావేశంలో తెలిపారు.

యంత్రాల పని గంటలు పెంచాలని, సంస్థపై వినియోగదారుడు పెట్టుకున్న నమ్మకాన్నీ వమ్ము చేయకుండా నాణ్యమైన బొగ్గు ఉత్పత్తి అందించాలని, ఎటువంటి ప్రమాదాలు లేకుండా సంస్థ నిర్దేశించిన లక్ష్యాలను సాధించాలని అన్నారు. అలాగే ఎల్.ఇ.డి. స్క్రీన్ ద్వారా కంపెనీ స్థితిగతులు అధికారులకు, ఉద్యోగులకు తెలియపరిచినారు తదుపరి ఉద్యోగుల నుండి ఈ కార్యక్రమానికి సంభందించిన సలహాలు సూచనలు తీసుకున్నారు. ఈ కార్యక్రమంలో ప్రాజెక్ట్ ఆఫీసర్ ఎ.కృష్ణ మోహన్, ఏ.జి.ఎం(ఐ.డి) యం.గిరిధరరావు, ఏరియా ఇంజనీర్ నరసింహ రాజు, ఎ.ఎస్.ఓ. రామస్వామి, డి.జి.ఎం (పర్సనల్) జీవీ మోహన్ రావు, ప్రాజెక్ట్ ఇంజనీర్ చిన్నయ్య, ఫైనాన్స్ మేనేజర్ మధు బాబు, గని మేనేజర్ పూర్ణ చందర్, అధికారుల సంఘం అధ్యక్షుడు శివ ప్రసాద్, గుర్తింపు సంఘం బ్రాంచ్ సెక్రటరీ నజీర్ అహ్మద్, ప్రాతినిధ్య సంఘం ఉపాధ్యక్షుడు జె.వెంకటేశ్వర్లు, ఇతర అధికారులు, ఉద్యోగులు పాల్గొన్నారు.