వెంకటేశ్ హీరోగా నటిస్తున్న చిత్రం ‘సంక్రాంతికి వస్తున్నాం’. అనిల్ రావిపూడి దర్శకత్వంలో శ్రీ వెంకటేశ్వర క్రియేషన్స్ బ్యానర్‌పై దిల్ రాజు సమర్పణలో శిరీష్ నిర్మిస్తున్న ఈ చిత్రం సంక్రాంతికి విడుదల కానుంది. 

ప్రస్తుతం చిత్రబృందం డెహ్రాడూన్, ముస్సోరీ, రిషికేశ్‌లోని అద్భుతమైన ప్రదేశాల్లో హీరో వెంకటేశ్, హీరోయిన్ మీనాక్షి చౌదరితో ఓ పాటను చిత్రీకరిస్తున్నారు. అయితే, ఈ సినిమా నుంచి ఫస్ట్ సింగిల్ రిలీజ్ కానుంది. ‘గోదారి గట్టు’ అంటూ సాగే ఈ పాట డిసెంబర్ 3న విడుదలవుతున్న విషయాన్ని వెల్లడిస్తూ మేకర్స్ బుధవారం ఓ పోస్టర్‌ను రిలీజ్ చేశారు.

ఇందులో వెంకటేశ్, ఐశ్వర్య రాజేశ్ వెన్నెల రాత్రుల్లో రొమాంటిక్ మూమెంట్స్‌ను ఆస్వాదిస్తున్న జంటగా ఆకట్టుకున్నారు. ఈ బ్రీజీ రొమాంటిక్ మెలోడీకి భాస్కరభట్ల రిరిక్స్ రాయగా, భీమ్స్ సిసిరోలియో మ్యూజిక్ అందించారు. రమణ గోగుల పాడిన ఈ పాట ఆయన కమ్‌బ్యాక్‌ను సూచిస్తోంది.