టాలీవుడ్ సీనియర్ నటుడు మోహన్‌బాబు, స్టార్ హీరో విష్ణు మంచు ప్రస్తుతం ‘కన్నప్ప’ సినిమా ప్రచార కార్యక్రమాల్లో బిజీగా ఉన్నారు. ఏప్రిల్ 25న ప్రపంచ వ్యాప్తంగా విడుదల కానున్న ఈ పాన్- ఇండియా ప్రాజెక్ట్ పోస్ట్ ప్రొడక్షన్ కార్యక్రమాలతోపాటు ప్రమోషన్స్ కూడా సమాంతరంగా జరుగుతున్నాయి.

ఈ ప్రమోషనల్ టూర్‌లో భాగంగా కన్నప్ప టీమ్ దేశవ్యాప్తంగా ద్వాదశ జ్యోతిర్లింగాలను సందర్శిస్తున్న సంగతి తెలిసిందే. పర్యటనలో భాగంగా మోహన్‌బాబు, విష్ణు మంచు గుజరాత్ ముఖ్యమంత్రి భూపేంద్ర పటేల్‌ను మర్యాదపూర్వకంగా కలిశారు.

ప్రముఖ తెలుగు కళాకారుడు రమేశ్ గొరిజాల అందమైన పెయింటింగ్‌ను విష్ణు మంచు ముఖ్యమంత్రికి బహూకరించారు. సీఎం పటేల్ మీటింగ్ సందర్భంలో తమకు ప్రేమాపూర్వక అతిథి మర్యాదలు దక్కటం పట్ల కన్నప్ప టీమ్ కృతజ్ఞతలు తెలిపింది. ఈ టూర్‌లో శరత్‌కుమార్, ముఖేశ్ రిషి, వినయ్ మహేశ్వరి కూడా ఉన్నారు.