1. కాంగ్రెస్, కమలం కలిసికట్టుగా  
2. చోటేభాయ్ కోసం బీజేపీ నేతలు
3. ఎక్స్ వేదికగా కేటీఆర్ సెటైర్

హైదరాబాద్, నవంబర్ 28 (విజయక్రాంతి): మోదీజీ.. కాంగ్రెస్ నేతలు, బీజేపీ నేతలు కలిసికట్టుగానే పని చేస్తున్నారని బీఆర్‌ఎస్ వర్కింగ్ ప్రెసిడెంట్ కే తారకరామారావు ఎద్దేవాచేశారు. చోటేభాయ్ వ్యూహకర్తగా, కాంగ్రెస్ కట్టర్ కార్యకర్తలుగా బీజేపీ నేతలు విశ్రమించకుండా పనిచేస్తున్నారని ఎద్దేవాచేశారు.

ఈ మేరకు కేటీఆర్ ఎక్స్ వేదికగా బీజేపీ, కాంగ్రెస్ చీకటి బంధంపై కేటీఆర విమర్శనాస్త్రాలు సందించారు. చీకటి రాజకీయ ప్రయోజనాల కోసం ‘చేయి’ కలుపుతూ చోటేభాయ్ కోసం కలిసి పనిచేస్తున్నారని పేర్కొన్నారు. ఎన్ని అరాచకాలు జరిగినా ఒక్కరూ నోరు మెదపరు అని విమర్శించారు.

రేవంత్ మీద ఈగ వాలకుండా కాపాడుకుంటారని బీజేపీ నేతలను ఉద్దేశించి వ్యాఖ్యానించా రు. హైడ్రా మంచిదని అంటారు.. మూసీ కావాలని చెప్తారు.. ఏమైనా అంటే నిద్ర నటిస్తారని మండిపడ్డారు. పిల్లలు చనిపోయినా, రైతు గుండె పగిలినా, గిరిజనులను చెరపట్టినా చప్పట్లు కొడతారని బీజేపీ నాయకుల తీరుపై విమర్శించారు.