హీరో నితిన్, దర్శకుడు వెంకీ కుడుముల కాంబినేషన్‌లో వస్తున్న చిత్రం ‘రాబిన్‌హుడ్’ మైత్రీ మూవీ మేకర్స్ నిర్మిస్తున్న ఈ సినిమా టీజర్‌ను గురువారం రిలీజ్ చేయడం ద్వారా మేకర్స్ ప్రమోషన్స్‌ను ప్రారంభించారు. టీజర్‌లో నితిన్ హై-ఫై ఇళ్లను లక్ష్యంగా చేసుకుని, అడ్వంచరస్ దోపిడీలను చేసే మోడరన్ రాబిన్‌హుడ్‌గా పరిచయమయ్యాడు. నితిన్ రాబిన్‌హుడ్‌గా డిఫరెంట్ లుక్‌లలో మెప్పించాడు.

ఒక సీన్‌లో నిజమైన దేశభక్తుడు ఏజెంట్ రాబిన్‌హుడ్‌గా, మరో సీన్‌లో అరబ్ షేక్‌గా కనిపించి అభిమానులను ఆశ్యర్చపరిచాడు. శ్రీలీల రిచెస్ట్ గర్ల్ పాత్రలో అలరించింది. రాజేంద్రప్రసాద్, వెన్నెల కిషోర్, షైన్ టామ్ చాకో పాత్రలను కూడా టీజర్ పరిచయం చేసింది.

మొత్తంగా టీజర్ సినిమాపై అంచనాలను పెంచింది. నవీన్ యెర్నేని, వై రవిశంకర్ నిర్మిస్తున్న ఈ చిత్రం డిసెంబర్ 25న విడుదల కానుంది. ఈ చిత్రానికి సంగీతం: జీవీ ప్రకాశ్‌కుమార్; డీవోపీ: సాయి శ్రీరామ్; ఫైట్స్: రామ్-లక్ష్మణ్, రవివర్మ, వికారం మోర్.