‘ఎం4ఎం’ (మోటివ్ ఫర్ మర్డర్) చిత్రబృందం ఆదివారం ప్రతిష్టాత్మక గోవా ఫిలిం ఫెస్టివల్ (ఐఎఫ్‌ఎఫ్‌ఐ)లో సందడి చేసింది.  డైరెక్టర్, మూవీ మేకర్ మోహన్ వడ్లపట్ల తెరకెక్కించిన ఈ సినిమా హిందీ ట్రైలర్‌ను  ఐఎఫ్‌ఎఫ్‌ఐ కళా అకాడమీ వేదికపై ఇండియన్ మోషన్ పిక్చర్స్ ప్రొడ్యూసర్స్ అసోసియేషన్ (ఐఎంపీపీఏ) వైస్ ప్రెసిడెంట్ అతుల్ చేతుల మీదుగా విడుదల చేశారు.

ఈ సందర్భంగా ముఖ్యఅతిథి అతుల్ మాట్లాడుతూ.. ‘ఎం4ఎం’ హిందీ ట్రైలర్ అద్భుతంగా ఉందని, సీరియల్ కిల్లర్ కాన్సెప్ట్ చాలా కొత్తగా ఉందని, కంటెంట్ ఆసక్తికరంగా ఉందని తెలిపారు. ఇలాంటి చిత్రాన్ని పాన్ ఇండియా స్థాయిలో ప్రేక్షకుల కోసం గొప్ప ప్రయత్నం చేసినందుకు దర్శక నిర్మాత మోహన్ వడ్లపట్లను ప్రశంసించారు.

ఈ చిత్రం ద్వారా హీరోయిన్‌గా పరిచయమవుతున్న జో శర్మను అభినందించారు. అనంతరం మూవీ దర్శకనిర్మాత మోహన్ వడ్లపట్ల మీడియాతో మాట్లాడుతూ.. త్వరలోనే 5 భాషల్లో ప్రపంచవ్యాప్తంగా ఈ సినిమాను విడుదల చేయబోతున్నట్టు తెలిపారు.