ఆదిలాబాద్, (విజయక్రాంతి): నిరుపేదల వైద్య ఖర్చుల కోసం సీఎం సహాయ నిధి డబ్బులు ఎంతగానో దోహదపడుతాయని బోథ్ నియోజకవర్గ ఎమ్మెల్యే అనిల్ జాదవ్ అన్నారు. తలమడుగు మండలం లోని అర్లి గ్రామంలో బుధవారం ఎమ్మెల్యే పర్యటించారు. ఈ సందర్భంగా సీ.ఎం.ఆర్.ఎఫ్ నిధుల నుండి మంజూరైన ధనోర గ్రామానికి చెందిన వనిత కు రూ. 12,500, ఉండం గ్రామానికి చెందిన వినాయక్ కు రూ. 13,000,  గుడిహత్నూర్ కు చెందిన నర్సింహ రావ్ కు మంజూరు అయిన రూ. 48,000 ల విలువ చేసే సీఎంఆర్ఎఫ్ చెక్కులను ఎమ్మెల్యే అందజేశారు. ఈ సందర్భంగా లబ్ధిదారులు ఎమ్మెల్యే కృతజ్ఞతలు తెలిపారు. ఈ కార్యక్రమంలో పలువురు నాయకులు,గ్రామస్థులు ఉన్నారు.