బెల్లంపల్లి (విజయక్రాంతి): బెల్లంపల్లి పట్టణంలోని స్టేషన్ రోడ్ కాలనీకి చెందిన మాజీ సింగరేణి ఉద్యోగి సయ్యద్ ఫిరోజ్ షానక్వి కుమారుడు సయ్యద్ అప్రోజ్ హుస్సేన్ ను మంగళవారం క్యాంపు కార్యాలయంలో ఎమ్మెల్యే వినోద్ ఘనంగా సన్మానించారు. సయ్యద్ అప్రోజ్ హుస్సేన్ రాజస్థాన్ రాష్ట్రంలో ఎంటెక్ (మైనింగ్) లో గోల్డ్ మెడల్ సాధించడం పట్ల ఎమ్మెల్యే వినోద్ ఆనందం వ్యక్తం చేశారు. భవిష్యత్తులో మరింత గొప్పగా చదివి తల్లిదండ్రులకు, బెల్లంపల్లి ప్రాంతానికి గుర్తింపు తీసుకురావాలని కోరారు. విద్యార్థి అప్రోజ్ హుస్సేన్ కు ప్రభుత్వం తరఫున తాను అండగా ఉంటానని హామీ ఇచ్చారు. ఈ కార్యక్రమంలో టిపిసిసి రాష్ట్ర ప్రచార కమిటీ కన్వీనర్ నాతరి స్వామి, బెల్లంపల్లి మాజీ పట్టణ అధ్యక్షులు కంకటి శ్రీనివాస్, యూత్ కాంగ్రెస్ నాయకులు పోచంపల్లి హరీష్ లు పాల్గొన్నారు.