మెనూ ప్రకారం భోజనం అందించండి 

కేజీబీవీ, బీసీ గురుకులను తనిఖీ చేసిన ఎమ్మెల్యే పర్ణిక రెడ్డి 

కోయిల్ కొండ,(విజయక్రాంతి): విలువలతో కూడిన విద్యను విద్యార్థులకు నేర్పించాలని నారాయణపేట ఎమ్మెల్యే పర్ణిక రెడ్డి అన్నారు. కేజీబీవీ, గురుకుల పాఠశాలను ఆకస్మికి తనిఖీ చేశారు. స్టోర్ రూమ్ కి వెళ్లి కూరగాయలను, విద్యార్థులకు వడ్డించిన వంటలను పరిశీలించారు. విద్యార్థినులతో మాట్లాడి రోజు నాణ్యమైన భోజనం పెడుతున్నారా ఏవైనా సమస్యలు ఉన్నాయా? అని అడిగి తెలుసుకున్నారు. విద్యార్థినీలతో కలిసి భోజనం చేశారు.  టీచర్ల కొరత ఉందని ఎమ్మెల్యే దృష్టికి తీసుకురాగా వెంటనే అధికారులతో మాట్లాడి సమస్య పరిష్కరించి కొత్త టీచర్లను వెంటనే నియమించాలని విద్యార్థులకు ఇబ్బందులు కలగకుండా చూడాలని ఆదేశించారు.

రోజు విద్యార్థులకు నాణ్యమైన భోజనం అందించాలని ఏవైనా సమస్యలు ఉంటే తమ దృష్టికి తీసుకురావాలన్నారు. అధికారులు తనిఖీలు చేసిన చేయకపోయినా అధ్యాపకులు విద్యార్థులకు తప్పకుండా మంచి భోజనం క్రమం తప్పకుండా అందించాలని ఆదేశించారు. ఇలాంటి ఇబ్బందులు ఉన్న తమ దృష్టికి తీసుకురావాలని ప్రతి సమస్యను పరిష్కరించుకుంటూ విద్యార్థులకు మంచి విద్యతో పాటు పోషకాలతో కూడిన భోజనాన్ని అందిద్దామని సూచించారు. ఈ కార్యక్రమంలో సంబంధిత అధికారులు ఉపాధ్యాయులు ఉన్నారు.