కోదాడ (విజయక్రాంతి): మోతే మండలానికి వెళ్తున్న ఎమ్మెల్యే పద్మావతి బుధవారం మార్గమధ్యంలో పలుచోట్ల రైతులను కలిసి వారి సమస్యలడిగి తెలుసుకున్నారు. త్రిపురవరం రైతులు ధాన్యం కొనుగోలు కేంద్రం ఏర్పాటు చేయాలని కోరారు. పలువురు రైతులు తమకు మద్దతు ధర, గిట్టుబాటు ధర వచ్చేలా చూడాలని విజ్ఞప్తి చేశారు. స్పందించిన ఎమ్మెల్యే పద్మావతి మాట్లాడుతూ.. సమస్యల పరిష్కారానికి కృషి చేస్తానన్నారు. ఉర్లుగొండ గ్రామంలో నూతనంగా నిర్మించిన నాగలింగేశ్వర స్వామి ఆలయంలో విగ్రహ, ధ్వజస్తంభ ప్రతిష్టా మహోత్సవాల్లో పాల్గొని పూజలు నిర్వహించారు. అనంతరం ఉర్లుగొండ గ్రామంలో మహాత్మా గాంధీ ఉపాధి, హామీ, 15వ ఆర్థిక సంఘం, ఐసీడీఎస్ నిధులు రూ.12 లక్షలతో నిర్మించనున్న అంగన్వాడీ భవనానికి ఎమ్మెల్యే పద్మావతి శంకుస్థాపన చేశారు.