మహాత్మా గాంధీ విగ్రహానికి వినతి పత్రం అందజేసిన ముషీరాబాద్ ఎమ్మెల్యే ముఠా గోపాల్

ముషీరాబాద్,(విజయక్రాంతి): అబద్ధపు హామీలతో అధికారంలోకి వచ్చిన కాంగ్రెస్ ప్రభుత్వం 420 రోజులు పూర్తయిన ప్రజలకు ఇచ్చిన 420 హామీలను నేటికీ సీఎం రేవంత్ రెడ్డి నెరవేర్చలేదని ఎమ్మెల్యే ముఠా గోపాల్ విమర్శించారు. మహాత్మా గాంధీ వర్ధంతి పురస్కరించుకొని మాజీ ముఖ్యమంత్రి కేసీఆర్ పిలుపు మేరకు ముషీరాబాద్ నియోజకవర్గంలోని గాంధీనగర్ డివిజన్ గాంధీనగర్ పార్క్ వద్ద, ముషీరాబాద్ డివిజన్ బాపూజీ నగర్ లోని మహాత్మా గాంధీ విగ్రహానికి పూలమాలలు వేసి గణ నివాళులు అర్పించిన అనంతరం వినతి పత్రం అందజేశారు.

ఈ సందర్భంగా ఎమ్మెల్యే ముఠా గోపాల్ మాట్లాడుతూ... 100 రోజుల్లో ఇచ్చిన హామీల నెరవేరుస్తామని హామీ ఇచ్చిన సీఎం రేవంత్ రెడ్డి(CM Revath Reddy) అధికార పగ్గాలు చేపట్టాక అబద్ధాలు చెబుతూ ఇచ్చిన హామీలను నెరవేర్చకుండా ప్రజలను మోసం చేస్తున్నారని ఆరోపించారు. కార్యక్రమంలో  బీఆర్ఎస్ రాష్ట్ర యువ నాయకుడు ముఠా జై సింహా, గాంధీనగర్ డివిజన్ సెక్రెటరీ శ్రీకాంత్, ముషీరాబాద్ సెక్రెటరీ ఆకుల అరుణ్ కుమార్, బిఆర్ఎస్ సీనియర్ నాయకులు ముఠా నరేష్, మీడియా ఇన్ఛార్జ్ ముచ్చ కుర్తి ప్రభాకర్, పున్న  సత్యనారాయణ, హనుమంతు, జాంగిర్, భాస్కర్, సంతోష్,విటల్, చందు, సుధాకర్ గోవింద్,గోరకనాథ్, యాసీన్, గంట రాజు, గౌస్ జావిద్ ఖాన్, వంశీ,నాని శ్రీనివాస్, టిల్లు తదితరులు  పాల్గొన్నారు.