కుమ్రం భీం ఆసిఫాబాద్,( విజయ క్రాంతి): తెలంగాణ రాష్ట్ర సాధన కోసం ప్రాణ త్యాగానికి సిద్ధమై కెసిఆర్ నిరాహార దీక్ష చేపట్టిన నవంబర్ 29న నిర్వహించే దీక్ష దివాస్ ను జయప్రదం చేయాలని ఎమ్మెల్యే కోవలక్ష్మి పిలుపునిచ్చారు. శుక్రవారం జిల్లా కేంద్రంలోని బి.ఆర్.ఎస్ భవనం లో నిర్వహించనున్న దీక్ష దివాస్ కార్యక్రమ పనులను పర్యవేక్షించారు. రెండు వేల మందితో చేపట్టే ఈ కార్యక్రమానికి పార్టీ నాయకులు కార్యకర్తలతో పాటు తెలంగాణ వాదులు హాజరుకావాలని విజ్ఞప్తి చేశారు. దీక్ష దివాస్ కార్యక్రమానికి వచ్చిన ప్రజలకు భోజన వసతి ఏర్పాటు చేయనున్నారు. ఈ కార్యక్రమంలో సింగల్ విండో చైర్మన్ ఆలీబిన్ అహ్మద్, నాయకులు మార్సుకోల సరస్వతి, గంధం  శ్రీనివాస్, హైమద్, నిసార్, కిష్టయ్య, భీమేష్ ,శ్రీనివాస్ ,బలరాం ,సాజిద్ తదితరులున్నారు.