మంచిర్యాల (విజయక్రాంతి): మంచిర్యాల పట్టణంలోని ప్రధాన మార్కెట్ లో జరుగుతున్న రోడ్డు వెడల్పు పనులను మంచిర్యాల శాసనసభ్యులు కొక్కిరాల ప్రేమ్ సాగర్ రావు శనివారం పరిశీలించారు. ఈ సందర్భంగా ఆయన మాట్లాడుతూ.. నియోజక వర్గాన్ని అభివృద్ధి చేయడమే నా లక్ష్యమని, ప్రజల సంక్షేమం కోసం తీసుకునే నిర్ణయాలను అందరూ స్వాగతించాలని ఆయన కోరారు. అనంతరం మంచిర్యాల గోదావరి తీరంలో నిర్మిస్తున్న వైకుంఠ దామం పనులను పరిశీలించారు. ఈ కార్యక్రమంలో మంచిర్యాల మున్సిపల్ చైర్మన్ రావుల ఉప్పలయ్య, వైస్ చైర్మన్ సల్ల మహేష్, నస్పూర్ మున్సిపల్ చైర్మన్ సురిమిల్ల వేణు, మంచిర్యాల మార్కెట్ కమిటీ చైర్మన్ పయ్యావుల పద్మముని, కౌన్సిలర్లు, నాయకులు, కార్యకర్తలు పాల్గొన్నారు.