పటాన్ చెరు, (విజయక్రాంతి): పటాన్ చెరు నియోజకవర్గం అమీన్ పూర్ మున్సిపల్ పరిధిలోని పటేల్ గూడ సిద్ధార్థ ఎన్ క్లేవ్ కాలనీలో  కట్ట మైసమ్మ తల్లి దేవాలయం నిర్మాణానికి ఎంఎల్ఏ గూడెం మహిపాల్ రెడ్డి సోమవారం భూమి పూజ నిర్వహించారు. ఈ సందర్భంగా ఎమ్మెల్యే మాట్లాడుతూ  అమ్మవారి దయతో నియోజకవర్గ ప్రజలందరూ ఆయురారోగ్యాలతో సంతోషంగా ఉండాలని ఆకాంక్షించారు. అనంతరం ఎమ్మెల్యేను నాయకులు సన్మానించారు.  ఈ కార్యక్రమంలో మాజీ ఎంపీపీ దేవానంద్, మాజీ జెడ్పీటీసీ సుధాకర్ రెడ్డి,  శ్రీకాంత్, కాలనీ సంక్షేమ సంఘం ప్రతినిధులు, తదితరులు పాల్గొన్నారు.