కాప్రా,(విజయక్రాంతి): కార్తీక మాసం సందర్భంగా యాదాద్రి లక్ష్మి నరసింహ స్వామిని ఉప్పల్ ఎమ్మెల్యే బండారి లక్ష్మారెడ్డి ఆదివారం దర్శించుకున్నారు. అనంతరం స్వామివారికి ఎమ్మెల్యే ప్రత్యేక పూజలు నిర్వహించారు. లక్ష్మీ నరసింహ స్వామి దర్శనానికి వచ్చిన ఎమ్మెల్యే బండారికి వేద పండితులు ఘన స్వాగతం పలికి ఆశీర్వచనం అందజేసి తీర్థ ప్రసాదాలు అందజేశారు. ఈ కార్యక్రమంలో మల్లాపూర్ కార్పొరేటర్ దేవేందర్ రెడ్డి , బీఆర్ఎస్ పార్టీ నాయకులు సాయి జెన్ శేఖర్, మహేష్ గౌడ్ భూపాల్ రెడ్డి, విట్టల్ యాదవ్ తదితరులు పాల్గొన్నారు.