ఎమ్మెల్యే అనిల్ జాదవ్

ఆదిలాబాద్,(నేరడిగొండ),(విజయక్రాంతి): తెలంగాణ రాష్ట్రంలో ప్రజలకు ఇచ్చిన హామీలను నెరవేర్చకుండా మోసగించిన 420 ప్రభుత్వం కొనసాగుతోందని బోథ్ ఎమ్మెల్యే అనిల్ యాదవ్(MLA Anil Jadhav) ఎద్దేవ చేశారు. బీఆర్ఎస్ వర్కింగ్ ప్రెసిడెంట్ కేటీఆర్(BRS Working President KTR) ఆదేశాల మేరకు కాంగ్రెస్ పార్టీ 420 హామీలు ఇచ్చి నేటికి 420 రోజులు పూర్తయిన సందర్భంగా నేరడిగొండ మండల కేంద్రంలో గురువారం నాయకులతో కలిసి 420 హామీలు నెరవేర్చాల కాంగ్రెస్ నేతల కళ్ళు తెరిపించాలని మహాత్మా గాంధీ విగ్రహానికి(Statue of Mahatma Gandhi) మెమోరాండం అందజేశారు. ఈ సందర్భంగా ఎమ్మెల్యే అనిల్ జాదవ్ మాట్లాడుతూ... ఓ మహాత్మా ఈ అసమర్థ కాంగ్రెస్ ప్రభుత్వానికి కళ్లు తెరిపించు, ఈ దద్దమ్మ కాంగ్రెస్ ప్రభుత్వానికి దారి చూపించు, కాంగ్రెస్ ఇచ్చిన 420 హామీలు నెరవేర్చేలా వారికి బుద్ధి ప్రసాదించాలని అన్నారు. పేద బడుగు బలహీన వర్గాలు ప్రజలు కాంగ్రెస్ ప్రభుత్వం రేవంత్ రెడ్డి చేతిలో మోసపోతున్నారని ఆవేదన వ్యక్తం చేశారు. ఈ కార్యక్రమంలో మండల కన్వీనర్ శివారెడ్డి, మాజీ ఎంపీపీ రాథోడ్ సజన్, మాజీ సర్పంచ్ వెంకటరమణ, మాజీ ఉప సర్పంచ్ దేవేందర్ రెడ్డి తదితరులు ఉన్నారు.