విశాఖపట్నం: అనకాపల్లి బాలిక హత్య కేసులో సంచలన విషయాలు తెరపైకి వచ్చాయి. బాలిక తల్లిదండ్రులు నిందితుడిపై గతంలోనే కేసు పెట్టారు. కాగా నిందితుడు సురేష్ పోక్సో కేసులో అరెస్టై ఇటీవల బెయిల్ పై బటయకు వచ్చాడు. జైలు నుంచి వచ్చిన సురేష్ నిత్యం బాలికను ఫాలో అవుతున్నాడని తల్లిదండ్రులు పోలీసులకు ఫిర్యాదు చేశారు. నిన్న బాలిక ఇంట్లోకి దూరిన నిందితుడు బాలికను దారుణంగా హత్య చేశాడు. అనంతరం అక్కడి నుంచి పారిపోయాడు.  పోలీసుల నిర్లక్ష్యంపై బంధువుల తీవ్రంగా ఆగ్రహం వ్యక్తం చేస్తున్నారు. ఈ ఘటనపై కేసు నమోదు చేసుకున్న పోలీసులు బాలిక మృతదేహాన్ని శవపరీక్షకు తరలిస్తుండగా పోస్టుమార్టంకు తీసుకెళ్లకుండా బంధువులు అడ్డుకుని ఆందోళనకు దిగారు.

అనకాపల్లి జిల్లా కొప్పు గుండ పాలెం గ్రామంలో తొమ్మిదో తరగతి చదువుతున్న బద్ది దర్శిని (14) అనే బాలికను సురేష్ అనే వ్యక్తి శనివారం కత్తులతో పొడిచి హత్య చేశాడు. బాధితురాలు తన అమ్మమ్మ ఇంటికి వచ్చినప్పుడు ఈ ఘటన జరిగింది. అనకాపల్లి సూపరింటెండెంట్ ఆఫ్ పోలీస్ కె.వి. మురళీకృష్ణ బాధితురాలు, నిందితులు ఒకరికొకరు తెలుసని, గత రెండేళ్లుగా శారీరక సంబంధం కొనసాగిస్తున్నారని మీడియాకు తెలిపారు. 

ఎస్పీ తెలిపిన వివరాల ప్రకారం.. నిందితుడు సురేష్ ఐటీఐ గ్రాడ్యుయేట్ అని, అతను గతంలో ఫార్మాస్యూటికల్ కంపెనీలో ఫ్రీలాన్సర్‌గా పనిచేశాడు. దాడిని బాధితురాలి అమ్మమ్మ ప్రత్యక్షంగా చూసినట్లు సమాచారం. కేసు నమోదు చేశామని, నేరానికి ఉపయోగించిన ఆయుధాన్ని పోలీసులు ధృవీకరిస్తున్నారని ఎస్పీ తెలిపారు. ఈ ఘటనపై డాగ్ స్క్వాడ్‌తో పాటు ఫోరెన్సిక్ నిపుణుల బృందం విచారణ జరుపుతోంది. బాధితురాలు మైనర్ కాబట్టి వారి శారీరక సంబంధాన్ని కూడా పరిశీలిస్తున్నామని ఎస్పీ తెలిపారు. నిందితుడు పరారీలో ఉన్నాడని, అతడిని పట్టుకునేందుకు ప్రత్యేక పోలీసు బృందాన్ని ఏర్పాటు చేశామన్నారు.