హైదరాబాద్: పెద్దపల్లి జిల్లాలో శుక్రవారం మంత్రులు పొన్నం ప్రభాకర్,దుద్దిల్ల శ్రీధర్ బాబు, తుమ్మల నాగేశ్వరరావు పర్యటిస్తున్నారు. ఈ నేపథ్యంలో జిల్లాల్లో పలు అభివృద్ధి పనుల ప్రారంభోత్సవాలు ,శంకుస్థాపనల్లో మంత్రులు పాల్గొన్నారు. పెద్దపల్లి జిల్లా ఓదెల మండలం కొలనురులో ప్రాథమిక ఆరోగ్య కేంద్ర నూతన భవనాన్ని మంత్రులు ప్రారంభించారు. పెద్దపల్లి ఓదెల వయా కొత్తపల్లి - కూలనూరు రోడ్డు అభివృద్ధికి శంఖుస్థాపన చేశారు. అనంతరం కాల్వ శ్రీరాంపూర్ మండలంలోని పెద్దరాత్ పల్లి గ్రామంలో తెలంగాణ ప్రభుత్వ ఉద్యాన, పట్టు పరిశ్రమల శాఖ ఆధ్వర్యంలో "తిరుమల ఆయిల్ కెం. ఇండియా ప్రైవేట్ లిమిటెడ్" ఆయిల్ ఫాం ఫ్యాక్టరీకి శంఖుస్థాపన చేశారు. కార్యక్రమంలో పాల్గొన్న ఎమ్మేల్యేలు చింతకుంట విజయ రమణ రావు , మక్కన్ సింగ్ రాజ్ ఠాకూర్, ఎమ్మెల్సీ భాను ప్రసాద్,ఎంపి గడ్డం వంశి ,జిల్లా కలెక్టర్ శ్రీ హర్ష ,వివిధ విభాగాల అధికారులు పాల్గొన్నారు.