మేయర్ యాదగిరి సునీల్ రావు ఆద్వర్యంలో అన్నదాన కార్యక్రమం

కరీంనగర్,(విజయక్రాంతి): హిందువులు, ముస్లింలు సర్వ మతాలను గౌరవిస్తూ.. పండగలను జరుపుకోవాలని నగర మేయర్ యాదగిరి సునీల్ రావు పిలుపునిచ్చారు. ఈద్ మిలాద్ ఉన్ నబి పండగను పురస్కరించుకొని గురువారం రోజు 33 వ డివిజన్ పరిదిలోని గోదాంగడ్డ ఎస్ బి ఎస్ ఫంక్షన్ హాల్ లో  షాహిద్, ఇర్ఫాన్ నిర్వాహకుల సమక్షంలో మిలాద్ ఉన్ నబి వేడుక ఘనంగా జరిగింది. నగర మేయర్ యాదగిరి సునీల్ రావు ఆద్వర్యంలో అన్నదానం కార్యక్రమం నిర్వహించారు.

ముఖ్య అతిథిగా మేయర్ యాదగిరి సునీల్ రావు హాజరై...ముస్లిం సోదరులకు డివిజన్ ప్రజలకు అన్నదానం చేశారు. అనంతరం మేయర్ యాదగిరి సునీల్ రావు గారికి నిర్వహాకులు షాహిద్, ఇర్ఫాన్  శాలువాతో సత్కరించి పుష్పగుచ్చం అందించారు. ఈ సందర్భంగా మేయర్ యాదగిరి సునీల్ రావు ముస్లిం మైనారిటీ సోదర సోదరిమనులకు ఈద్ మిలాద్ ఉన్ నబి శుభాకాంక్షలు తెలిపారు. మేయర్ యాదగిరి సునీల్ రావు మాట్లాడుతూ... మహామ్మద్ ప్రవక్త పుట్టిన రోజును గుర్తుచేసుకుంటూ సంతోషంగా జరుపుకునే పండగ మిలాద్ ఉన్ నభీ అని అన్నారు.

అన్ని కుల మతాల పండగలను కలిసి మెలిసి హిందూ ముస్లింలు జరుపుకోని సర్వ మతాలను గౌరవించుకోవాలని పిలుపు నిచ్చారు.  ఈద్ మిలాద్ ఉన్ నభీ పండగను దేశ వ్యాప్తంగా సంతోషంగా జరుపుకోవడం సాంప్రదాయం అన్నారు. ప్రవక్త బోధనలను గుర్తు చేసుకుంటూ.. ప్రార్థనలు అల్లా దీవెనలు పొందుతారని తెలిపారు. నగరంలోని ముస్లిం సోదరులకు మిలాద్ ఉన్ నభీ పండగ శుభాకాంక్షలు తెలిపారు. ఈ కార్యక్రమంలో ముస్లిం సోదరులు, డివిజన్ ప్రజలు పాల్గొన్నారు.