“సస్పెన్స్ థ్రిల్లర్‌గా రూపొందిన ‘ఎం4ఎం’ (మోటివ్ ఫర్ మర్డర్) చిత్రం ద్వారా మునుపెన్నడూ ఎరుగని సైకోని ప్రేక్షకులు చూడబోతున్నారు. ఈ చిత్రంలో చూపించే మర్డర్ మిస్టరీ ఒక సెన్సేషన్ కాబోతుంది. సంబీట్ ఆచార్యతోపాటు నాకు పాన్ ఇండియా స్కేల్‌లో కొత్త అధ్యాయం మొదలవుతుందని చెబుతోంది అమెరికన్ హీరోయిన్ జో శర్మ. యూఎస్‌ఏకు చెందిన జో శర్మ, ఒడిశా సూపర్ స్టార్ సంబీత్ ఆచార్య ప్రధాన పాత్రల్లో నటిస్తున్న చిత్రమే ‘ఎం4ఎం’ (మోటివ్ ఫర్ మర్డర్).

మోహన్ వడ్లపట్ల, రాహుల్ అడబాల, జో శర్మఅందించిన కథతో తెరకెక్కుతున్న ఈ చిత్రానికి రాహుల్ ఆడబాలతో కలిసి స్క్రీన్ ప్లే అందించిన మోహన్ వడ్లపట్ల దర్శకత్వ బాధ్యతలనూ నిర్వర్తించారు. జో చిత్ర విశేషాలను తెలుపుతూ.. ‘మోటివ్ ఫర్ మర్డర్ తెలిసినప్పుడు మైండ్స్ బ్లో అవుతాయి. తెలుగు, హిందీ, తమిళం, కన్నడ, మలయాళం భాషల్లో విడుదల కానున్న ఈ సినిమాకు సంబంధించి హిందీ వెర్షన్ ట్రైలర్‌ను ఈ నెల 23న గోవా ఇంటర్నేషనల్ ఫిలిం ఫెస్టివల్‌లో విడుదల చేస్తున్నాం’ అని చెప్పింది.