ప్రశాంత్ వర్మ ‘హనుమాన్’ చిత్రానికి సీక్వెల్‌గా ‘జై హనుమాన్’ రూపొందిస్తున్న విషయం తెలిసిందే. ప్రముఖ నిర్మాణ సంస్థ మైత్రీ మూవీ మేకర్స్ బ్యానర్‌పై నవీన్ యెర్నేని, వై రవిశంకర్ ఈ సినిమాను నిర్మిస్తోంది. ‘జై హనుమాన్’ చిత్రంలో హీరో హనుమంతుడే కాబట్టి ఈ పాత్రలో రిషబ్ శెట్టి నటిస్తున్నారంటూ వార్తలొచ్చాయి. ఆ వార్తలు నిజమేనని బుధవారం మేకర్స్ విడుదల చేసిన పోస్టర్ చెబుతోంది.

హనుమాన్ గా నటించే నటుడిని చిత్ర నిర్మాతలు రివీల్ చేస్తూ ఫస్ట్ లుక్ పోస్టర్ వదిలారు. ఆ పోస్టర్‌లో రిషబ్ శెట్టి హనుమంతునిగా పవర్ ఫుల్ ఫోజ్‌లో, శ్రీరాముని విగ్రహం చేతిలో భకి ్తపూర్వకంగా పట్టుకొని పాదాల మీద కూర్చొని కనిపించారు. ఆ పోస్టర్‌ను చూసేందుకు రెండు కళ్లూ చాలడం లేదు. మెస్మరైజ్ చేస్తున్నాడు. ‘జై హనుమాన్’పై అంచనాలను పెంచేలా ఉంది.