పాపన్నపేట: పాపన్నపేట మండల పరిధిలోని ముద్దాపూర్ గ్రామంలో సోమవారం శ్రీ నల్లపోచమ్మ విగ్రహ ప్రతిష్టాపన కార్యక్రమం వైభవంగా జరిగింది. గ్రామస్థుల ఆహ్వానం మేరకు కార్యక్రమానికి మెదక్ ఎమ్మెల్యే హాజరయ్యారు. ఈ సందర్భంగా నిర్వాహకులు ఆయనను స్వాగతించి, సత్కరించి తీర్థ ప్రసాదాలు అందజేశారు. అనంతరం సీతానగరంలో జరుగుతున్న బీరప్ప జాతర ఉత్సవాలలో ఎమ్మెల్యే పాల్గొన్నారు. ఈ కార్యక్రమంలో ముద్దాపూర్, సీతానగరం భక్తులతో పాటు కాంగ్రెస్ పార్టీ మండల నాయకులు ప్రభాకర్ రెడ్డి, ప్రశాంత్ రెడ్డి, గోవింద్ నాయక్, నరేందర్ గౌడ్ తదితరులు పాల్గొన్నారు.