మణుగూరు,(విజయక్రాంతి): జాతిపిత మహాత్మా గాంధీ వర్ధంతి(Mahatma Gandhi Death Anniversary) సందర్భంగా అమరవీరుల దినోత్సవ వేడుకల(Martyrs' Day Celebrations)ను గురువారం సింగరేణి భవన్(Singareni Bhavan)లో ఘనంగా నిర్వహించారు. ఈ వేడుకలకు సింగరేణి సిఎండి ఎన్ బలరాం(Singareni CMD N Balaram) ముఖ్యఅతిథిగా హాజరై గాంధీ, అమరులైన మహనీయుల చిత్రపటాలకు పూలమాలలు వేసి నివాళులర్పించారు. ఈ సందర్భంగా ఆయన మాట్లాడుతూ... దేశ స్వాతంత్రం కోసం తమ ప్రాణాలను త్రుణపాయంగా అర్పించిన మహనీయులందరి త్యాగాలను స్మరించుకోవాలన్నారు. ఆ మహనీయులు కలలు గన్న అభివృద్ధి చెందిన భారతదేశం లక్ష్యాల సాధనకు మనమందరం పునరాంకితం కావాలని పిలుపునిచ్చారు. అనంతరం రెండు నిమిషాలు మౌనం పాటించి నివాళులు అర్పించారు. కార్యక్రమంలో డైరెక్టర్ పి అండ్ పి వెంకటేశ్వర రెడ్డి, జిఎం కోఆర్డినేషన్ ఎం సుభాని, రాష్ట్ర కనీస వేతనాల సలహా మండలి చైర్మన్ జనక్ ప్రసాద్, జిఎం లలిత్ కుమార్ తదితరులు పాల్గొన్నారు.