హైదరాబాద్: ఛత్తీస్‌గఢ్-ఒడిశా సరిహద్దు(Chhattisgarh-Odisha border)లో జరిగిన ఎన్‌కౌంటర్‌(Encounter)లో తెలంగాణకు చెందిన కీలక మావోయిస్టు నాయకుడు చంద్రహాస్(Chandrahas) మృతి చెందినట్లు పోలీసులు నిర్ధారించారు. హైదరాబాద్‌లోని జవహర్‌నగర్‌లోని యాప్రాల్‌కు చెందిన చంద్రహాస్ మృతదేహాన్ని పోలీసులు గుర్తించారు. ఆయన ఒడిశా రాష్ట్ర కమిటీ కింద తూర్పు జోనల్ బ్యూరో ఇన్‌చార్జ్‌గా పనిచేశారు. చంద్రహాస్ పై రూ.20 లక్షల రివార్డు ఉందని పోలీసులు వెల్లడించారు. ఆయన 1985 నుండి పరారీలో ఉన్నారు. కాల్పుల్లో, 20 మందికి పైగా మావోయిస్టులు మరణించారు. 17 మృతదేహాలను ఇప్పటికే పోస్ట్‌మార్టం కోసం రాయ్‌పూర్‌కు తరలించారు. మిగిలిన మావోయిస్టుల మృతదేహాలను గుర్తించడానికి గాలింపు చర్యలు కొనసాగుతున్నాయి. గరియాబంద్, నౌపాడ జిల్లాల్లో భద్రతాబలగాలతో జరిగిన ఎదురుకాల్పుల్లో మావోయిస్టు పార్టీ కేంద్ర కమిటీ సభ్యుడు రామచంద్రారెడ్డి ప్రతాప్ రెడ్డి అలియాస్ చలపతితో కీలక నేతలు మృతి చెందారు.