ఆర్‌వీవీ సత్యనారాయణ నటించి, నిర్మించిన చిత్రం ‘మన్యం ధీరుడు’. ఆయన అల్లూరి సీతారామరాజు పాత్రలో అద్భుత నటన ప్రదర్శించిన ఈ సినిమాకు నరేశ్ డెక్కల దర్శకత్వం వహించారు. ఆర్‌వీవీ మూవీస్ పతాకంపై ఆర్ పార్వతీదేవి సమర్పణలో రూపొందిన ఈ చిత్రం సెప్టెంబర్ 20న విడుదల కానుంది. యధార్ధ సన్నివేశాలు, సంఘటనలు ప్రజలకు అందించాలన్న గొప్ప సంకల్పంతో నిర్మితమైన చిత్రమిదని డైరెక్టర్ నరేశ్ తెలిపారు.

అల్లూరి చరిత్రను వెండితెరపై అవిష్కరించడానికి నటుడు ఆర్‌వీవీ గుర్రపు స్వారీ, కత్తి యుద్ధం, విలువిద్యలో శిక్షణ తీసుకున్నారని పేర్కొన్నారు. మేకర్స్ ఈ చిత్రం కోసం భారీ ఖర్చుతో ఒక ఊరిని నిర్మించడం విశేషం. అరుకు, పాడేరు, హిమాచల్‌ప్రదేశ్, కశ్మీర్ వంటి అందమైన ప్రదేశాల్లోనూ చిత్రీకరణ పూర్తి చేసుకుందీ సినిమా. దీనికి సంగీతం: పవన్‌కుమార్; కెమెరా: వినీత్ ఆర్య, ఫరూక్; ఎడిటర్: శ్యామ్‌కుమార్.