టోర్నమెంట్ విజేతగా ఎక్సలెంట్ హై స్కూల్ జట్టు..

మణుగూరు (విజయక్రాంతి): భద్రాద్రి కొత్తగూడెం జిల్లా మణుగూరు మండలం పివి కాలనీ భద్రాద్రి స్టేడియంలో గత మూడు రోజులుగా జరుగుతున్న సీఎస్కె కప్ క్రికెట్ టోర్నమెంట్ ఫైనల్ పోటీలను మణుగూరు డీఎస్పీ రవీందర్ రెడ్డి బ్యాటింగ్ చేసి శుక్రవారం ప్రారంభించారు. ఉత్కంఠంగా సాగిన ఈ మూడు రోజుల క్రికెట్ పోటీల్లో మొత్తం 12 జట్లు పాల్గొనగా ఫైనల్ పోటీలో బాంబే కాలనీ ఎక్సలెంట్ ఉన్నత పాఠశాల, సింగరేణి ఉన్నత పాఠశాల జట్లు తలపడ్డాయి. నిర్ణీత 10 గవర్నర్ లో సింగరేణి జట్టు 68 పరుగులు చేయగా తదుపరి బ్యాటింగ్ చేపట్టిన ఎక్సలెంట్ పాఠశాల జట్టు 7 ఓవర్లలో లక్ష్యాన్ని చేదించి విజేతగా నిలిచింది. విజేతలకు టీపీసీసీ సభ్యులు చంద్ర సంతోష్ కుమార్ చేతులమీదుగా బహుమతులను అందజేశారు. కార్యక్రమంలో ఎక్సలెంట్ పాఠశాల చైర్మన్ యూసఫ్, డైరెక్టర్ ఖాన్, ప్రెస్ క్లబ్ అధ్యక్ష, కార్యదర్శులు వెంకట్, ఎం శ్రీను, యూత్ సభ్యులు శ్రీను, సాయి, ఆర్ ఎం మధు తదితరులు పాల్గొన్నారు.