వెన్నెల కిషోర్, అనన్య నాగళ్ల ప్రధాన పాత్రల్లో నటిస్తున్న చిత్రం ‘శ్రీకాకుళం షెర్లాక్ హోమ్స్’. క్రైమ్ కామెడీ థ్రిల్లర్‌గా రైటర్ మోహన్ దీన్ని తెరకెక్కిస్తున్నారు. శ్రీగణపతి సినిమాస్ బ్యానర్‌పై వెన్నపూస రమణరెడ్డి నిర్మాతగా వ్యవహరిస్తున్న ఈ చిత్రంలో ‘మా ఊరు శ్రీకాకుళం’ అనే టైటిల్ సాంగ్ శుక్రవారం విడుదలైంది. సినీ దర్శకుడు హరీశ్ శంకర్ ఈ ఫస్ట్ సింగిల్‌ను ఆవిష్కరించారు. రామజోగయ్యశాస్త్రి రాసిన ఈ పాటను మంగ్లీ ఆలపించగా, సునీల్ కశ్యప్ స్వరపరిచారు. సీయా గౌతమ్, స్నేహ గుప్తా, రవితేజ మహాద్యం తదితర తారాగణం నటిస్తున్న ఈ చిత్రం సమర్పణ: లాస్యరెడ్డి; కెమెరా: మల్లికార్జున్ ఎన్; స్టంట్స్: డ్రాగన్ ప్రకాశ్.