రాజాపూర్ (విజయక్రాంతి): రోడ్డు ప్రమాదంలో వ్యక్తి మృతి చెందిన సంఘటన రాజాపూర్ మండల కేంద్రంలోని భారత్ పెట్రోల్ పంపు ఎదురుగా గల జాతీయ రహదారిపై మంగళవారం చోటుచేసుకుంది. మండల కేంద్రం సమీపంలోని సోమ్ల తండాకు చెందిన హీరియానాయక్ అనే వ్యక్తి ఎద్దును తీసుకొని రోడ్డు దాటుతున్న క్రమంలో జడ్చర్ల నుంచి హైదరాబాద్ వైపు వెళ్తున్న ఓ కారు ఢీకొంది. ఈ ప్రమాదంలో ఎద్దుకు తీవ్ర గాయాలు అయ్యాయి. హీరియానాయక్ అనే వ్యక్తి అక్కడికక్కడే దుర్మరణం చెందారు. ప్రమాదం వల్ల రోడ్డుపై ట్రాఫిక్ అంతరాయం కావడంతో సమాచారం అందుకున్న ఎస్ఐ రవి నాయక్ పోలీసులు ట్రాఫిక్ ను క్లియర్ చేశారు.