‘ఆర్‌ఆర్‌ఆర్’ తర్వాత రాజమౌళి తెరకెక్కిస్తున్న సినిమా వర్కింగ్ టైటిల్ ‘ఎస్‌ఎస్‌ఎంబీ 29’. మహేశ్ బాబు హీరోగా నటిస్తున్న ఈ చిత్రంపై భారీ అంచనాలున్నాయి. ఇప్పటికే ఈ సినిమా స్క్రిప్ట్ పనులు పూర్తయినట్టు స మాచారం. మరోవైపు ఈ చిత్రం కోసం మ హేశ్ బాబు.. లుక్ పరంగా, ఫిట్‌నెస్ పరంగా సిద్ధమయ్యే క్రమంలో గడ్డం, జుట్టు పెంచుకున్నాడు. త్వరలోనే ఈ సినిమా సెట్స్‌పైకి వెళ్లనుండగా, ఈ ప్రాజెక్టు టైటిల్‌ను దర్శకుడు రాజమౌళి అనుకోకుండా చెప్పేశాడు.

తాజాగా ఓ ఈవెంట్‌లో పాల్గొన్న ఆయనను ‘బాహుబలి తర్వాత మీ మైండ్‌లో ఉన్న ప్రాజెక్ట్స్ ఏమిటి’ అని ఓ అభిమాని అడగగానే.. అక్కడి ఫ్యాన్స్ కూడా ముక్తకంఠంగా గరుడ గరుడ... అంటూ అరవటం మొదలుపెట్టారు. దీనికి  రాజమౌళి సమాధానమి స్తూ.. ‘ఔను నా మైండ్‌లో కూడా గరుడ ఉం ది. కానీ, ఇంతకు మించి ఎక్కువ వివరాలు నేనిప్పుడు బయటపెట్టలేను’ అని చెప్పుకొచ్చారాయన. దీంతో అభిమానులంతా ‘ఎస్‌ఎస్‌ఎంబీ29’ టైటిల్ ‘గరుడ’ అన్న నిర్ణయానికి వచ్చేశారు. అయితే, మహే శ్ తాజా కాంబో చిత్రానికి టైటిల్ ఇదేనంటూ అధికారిక ప్రకటన వెలువడటమే తరువాయి.