2019లో రిలీజ్ అయిన హాలీవుడ్ సినిమా ’ది లయన్ కింగ్’ ఎంతటి బ్లాక్ బస్టర్ విజయాన్ని అందుకుందో చెప్పక్కర్లేదు. తాజాగా ఈ సినిమాకు సీక్వెల్ గా ’ముఫాసా: ది లయన్ కింగ్’ సిద్ధమయ్యింది. ఈ ఏడాది డిసెంబర్ 20న ఈ చిత్రాన్ని రిలీజ్ చేయనున్నట్లు అధికారికంగా ప్రకటించిన మేకర్స్ ప్రస్తుతం షూటింగ్ శరవేగంగా నిర్వహిస్తున్నారు. ఇందులో ఆరోన్ స్టోన్, కెల్విన్ హ్యారిసన్ తదితరులు కీలక పాత్రలు పోషిస్తున్నారు.

ఇందులో ముఫాసా పాత్ర తెలుగు వెర్షన్‌కు టాలీవుడ్ సూపర్ స్టార్ మహేశ్ బాబు డబ్బింగ్ చెప్పనున్నట్లు తెలిపింది చిత్ర నిర్మాణ సంస్థ. ఈ సినిమా తెలుగు ట్రైలర్‌ను ఈ నెల 26న విడుదల చేయనున్నట్లు ప్రకటించింది. ముఫాసా పాత్రకు డబ్బింగ్ చెప్పడంపై మహేశ్ మాట్లాడుతూ.. డిస్నీ అంటే నాకెంతో గౌరవం ఉంది. ముఫాసా తన కుమారుడిని నడిపించే తండ్రిగానే కాకుండా అడవికి గొప్ప రాజుగా అందరినీ మెప్పిస్తాడు.

డిస్నీతో కలిసి వర్క్ చేయడం నాకు వ్యక్తిగతంగా చాలా ప్రత్యేకమైనది. దీనిని నా పిల్లలతో కలిసి ఎంజాయ్ చేస్తాను. డిసెంబర్ 20న తెలుగులో ’ముఫాసా: ది లయన్ కింగ్’ సినిమాను బిగ్ స్క్రీన్ పై నా కుటుంబంతో, అభిమానులతో కలిసి చూసేందుకు ఆసక్తిగా ఎదురుచూస్తున్నాను‘ అంటూ ఆనందం వ్యక్తం చేశారు.